पनीर रसमलाई

 

पनीर रसमलाई बनवण्यासाठी साहित्य :- 

• १ लिटर दुध 
• ४ वाट्या साखर 
• १ कंडेन्सड मिल्कचा डबा 
• २ ते ३ कप सायीसकट दुध 
• ४-५ वेलदोड्याची पूड 
• थोडी केशराची पूड 
• १ टीस्पून मैदा. 

कृती :- 

• १ लिटर दुध पितळेच्या पातेल्यात ठेवून उकळा. उकळी आली की त्यात अर्धा लिंबूचा रस व अर्धा चमचा तुरटीची पूड घालून दुध नासवून घ्यावे. 
• दुध चांगले फाटले की उतरवा व गार झाले की कपड्यावर ओतून सैलसर पुरचुंडी बांधून टांगून ठेवा. पाणी गळायचे थांबले की काढून घ्या. 
• परातीत हे नासलेले दुध व मैदा एकत्र करून खूप मळून घ्या. नंतर त्याचे सुपारी एवढे गोळे करा.
   
• एका उथळ पातेल्यात २ वाट्या साखरेत ४ वाट्या पाणी घालून कच्चा पाक तयार करा. पाकला उकळी आली की त्यात वरील सोडा. 
• गोळे शिजले की चमच्याने अलगद काढून घ्या व ताटलीत ठेवा, गार होऊ द्या. 
• कंडेन्सड मिल्कमध्ये दुध घालून सारखे करा. वेलदोड्याची पूड व केशर घाला. नंतर ह्या दुधात वरील गार झालेले गोळे सोडा.