स्टफ्ड इडली

 

आज आपण स्टफ्ड इडली बनवणार आहोत.
 

साहित्य :- 

• दोन ते अडीच कप इडली पीठ 
• थोडेसे तेल इडलीच्या कप्यांना लावण्यासाठी 
• सारण : 
• ३/४ कप ताजा खवलेला नारळ 
• २ टीस्पून काजू तुकडा 
• २ टीस्पून बेदाणे 
• २ टीस्पून मिरची- कोथिंबीर पेस्ट 
• १/२ टीस्पून किसलेले आले 
• १/२ टीस्पून लिंबाचा रस 
• चवीपुरते मीठ
   

कृती:- 

• सारणासाठी दिलेले सर्व साहित्य मिक्स करावे. इडली स्टँँडला तेलाचा हात लावावा. 
• इडलीच्या कुकरमध्ये तळाला २ अडीच इंच पाणी गरम करण्यास ठेवावे. इडलीचे कप्पे अर्धे भरावेत. त्यात नारळाचे सारण पेरा, वरून इडलीचे पीठ घालावे. 
• १५ मिनिटे इडल्या वाफवाव्यात. ५ मिनिटांनी कुकर उघडून इडल्या काढाव्यात. 
• गरमच सर्व्ह कराव्यात.