सीताफळ मिल्कशेक

 

सीताफळ मिल्कशेक बनवण्यासाठी लागणारे साहित्य:- 

• ५ मोठी सीताफळे, पूर्ण पिकलेली 
• थंड दुध ( साधारण दीड ते दोन कप ) 
• ४ टीस्पून साखर 
• १/२ कप वॅॅनिला आईसक्रिम 

कृती :- 

• ४ सीताफळाच्या आतील गर काढावा. बिया काढून टाकाव्यात. उरलेल्या एका सीताफळाचा गर कढून वेगळ्या वाडग्यात ठेवावा. हा गर मिक्सरमध्ये वाटू नये. 
• जर सीताफळांंचा १ कप गर निघाला तर दीड ते दोन कप दुध आणि ४ चमचे साखर घालून मिक्सरमध्ये ब्लेंड करावे.
   
• नंतर वॅॅनिला आईसक्रिम घालून परत मिक्सरमध्ये फिरवावे. यामुळे मिल्कशेकला थोडा दाटपणा येईल. 
• सर्व्ह करताना बाजूला काढलेला सीताफळाचा गर मिक्स करावा. 
• लगेच सर्व्ह करावे.