मराठमोळे सकस धपाटे

 

साहित्य :- 

• ज्वारीचे पीठ - ४ मोठे चमचे 
• मध्यम आकाराचा दुधी भोपळा किसून - दुध्या कोवळा असावा. 
• नख लावल्यावर तेल आले तर कोवळा आहे असे समजावे. (इथे ह्यापैकी कुठलीही भाजी (बारीक चिरून, किसून) वापरू शकता. उदा : टोमॅॅटो, पत्ताकोबी, काकडी, पालक, मेथी, लाल माठ, बीट, गाजर, मुळा. 
• आवडीनुसार मिश्र भाज्या सुध्दा वापरता येतील. उरलेली शेळी भाजी असेल तरीही चालते. बारीक वाटून घ्यावी मात्र. 
• कोथिंबीर बारीक चिरून 
• लाल तिखट पूड किंवा हिरव्या मिरच्या बारीक चिरून - चवीनुसार 
• मीठ - चवीनुसार 
• जिरे - आवडीनुसार 
• ओवा - चिमुटभर 
• तीळ - चिमुटभर 
• धण्याची पूड - चिमुटभर 
• हळद - चिमुटभर 
• तेल - थोडेसे 
• कुठला तुमचा खास मसाला असेल तर तोही टाका चिमुटभर, नाहीतर फार विचार न करता चिमुटभर गरम मसाला घ्या. 
• पाणी.  

कृती :- 

• भाकरी थापता येत असेल तर हे धपाटे पण जमतील. साधारण कृती भाकरीसारखी आहे. 
• दुधाचा कीस थोडेसे तेल टाकून परतून घ्यावा. हे करणे गरजेचे आहे. 
• कारण कोवळ्या भाजीला पाणी सुटते आणि धपाटे थापणे अवघड होऊन बसते. 
• वाफ आल्यानंतर ज्वारीच्या पिठात तो कीस आणि इतर जिन्नस टाकून व्यवस्थित एकत्र करा. 
• आता हे पीठ छान मिक्स करून थोडे थोडे पाणी टाकत भाकरीसाठी भिजवतो. त्याप्रमाणे भिजवा. 
• भाकरी थापतो तसे थापायचे आहे. त्यानुसार Consistency असू द्या. 
• ह्या स्टेपला तेल शक्यतो वापरू नये, कोमट पाणी वापरा. 
• गोळा झाल्यानंतर त्याची कोरड्या ज्वारीच्या पिठावर घोळवून भाकरी थापतो तसे थापून घ्या. 
• जाड बुडाच्या तव्यावर (लोखंडी असल्यास उत्तम, नॉनस्टिक पण चालेल) थापलेला धपाटा टाकून दोन्ही बाजूनी भाजून घ्या. (आधी मोठी आच ठेवा नंतर adjust करू शकता.) 
• धपाटा उलटसुलट करण्यासाठी सराटा / उलथन हाताशी हवं. धपाटा भाजत असताना कडेने तेल सोडा. 

               अशा प्रकारे तयार आहे मराठमोळे सकस धपाटे.