भेंडीची रस भाजी

 

साहित्य : 

• भेंडी पाव किलो 
• दोन कांदे उभे चिरून 
• गूळ चिरून एक चमचा 
• लाल तिखट एक चमचा भरून 
• चिंचेचा कोळ चार चमचे 
• कढीलिंबाची आठ-दहा पाने 
• मीठ 

कृती : 

• भेंडी धुऊन पुसून, तिरक्या काचऱ्या करून चिरावी. अर्धी पळी तेलाची फोडणी करून त्यात कढीलिंब व कांदा घालून परतून घ्यावं. 
• मग भेंडी घालावी. भेंडीची तार जाईपर्यंत मंद आचेवर भाजी परतावी. मग एक वाटी पाणी घालाव. 
• भेंडी शिजत आली की यात मीठ, गूळ, चिंचेचा कोळ, मसाला व तिखट घालून परत भाजी शिजू द्यावी. 
• रस थोडासा ठेवावा. 
• अशा प्रकारे भेंडीची रस भाजी तयार होईल.