साहित्य :-
- १ कप पनीर, किसलेले
- २ मध्यम बटाटे, उकडलेले
- दिड चमचे आले, किसलेले
- १ चमचा लसूण पेस्ट
- २ चमचा लाईट सोया सॉस
- १/४ कप कोथिंबीर, बारीक चिरून
- १ चमचा कॉर्न स्टार्च
- १/२ चमचा पांढरी मिरपूड
- २ ते ३ हिरव्या मिरच्या, बारीक चिरून
- १/४ कप कांदा, बारीक चिरून
- ३ चमचा मैदा
- चवीपुरते मीठ
- तळण्यासाठी तेल
- ८ ते १० लाकडी स्टिकस किंवा बेबी कॉर्न.
- बटाटे सोलून व्यवस्थित कुस्करून घ्यावे. गुठळ्या राहू देऊ नयेत.
- मैदा सोडून सर्व साहित्य एकत्र करून छान मळून घ्यावे. मध्यम आकाराचे ८ ते ९ गोळे बनवावे.
- १ गोळा घेऊन तो नीट दाबून घट्ट करावा व त्यात लाकडी स्टिक एका बाजूने घालावी. मुठीने नीट आवळून नीट बांधून घ्यावा, जेणेकरून तेलात सोडल्यावर गोळा सुटणार नाही. अशाप्रकारे सर्व लॉलीपॉप बनवून घ्यावे.
- तयार लॉलीपॉप कोरड्या मैद्यामध्ये घोळवून घ्यावे. किंचित हलवून जास्तीचा मैदा काढून टाकावा.
- पुरेसे तेल तापवून आच मध्यम करावी आणि सर्व लॉलीपॉप तळून घ्यावे. तळताना मध्येमध्ये लॉलीपॉप झाऱ्याने फिरवावेत, म्हणजे सगळीकडे नीट तळले जातील.
No comments:
Post a Comment