वांग्याचे लोणचे

 

साहित्य :- 

• ७५० ग्रॅॅम लहान गोल वांगी 
• १० लसूण पाकळ्या 
• २ इंच आले, १५ लाल मिरच्या 
• ११५ मिली व्हीनीगर 
• ५ चमचे मोहरीची डाळ 
• १ चमचा हळद, १२५ ग्रॅॅम गूळ
• ६ मोठे वेलदोडे, १ इंच दालचिनी 
• ४ लवंगा, १० मिऱ्याचे दाणे 
• ६ मोठे चमचे तेल, अर्धा चमचा मोहरी 
• ५ चमचे मीठ. 

कृती :- 

• आले-लसूण बारीक वाटून घ्यावे. लाल मिरच्या चमचाभर व्हीनीगरमध्ये बारीक वाटाव्या. 
• गूळ व्हीनीगरमध्ये विरघळून ठेवावा. वांगी धुवून पुसून ठेवावी. व त्यांचे १ सें.मी. जाड काप चिरून ठेवावे. 
• कल्हईच्या पातेल्यात तेल तापले की मोहरी व हळद घालून त्यावर आले-लसूण तांबूस होईपर्यंत परतावी. 
• त्यात वांग्याचे काप घालून हलक्या हाताने पातेलीत घालून अवसडावे. वांगी मंदाग्नीवर शिजू द्यावीत.
• एकीकडे वेलची, लवंगा, दालचिनी व मिरी यांची बारीक पूड करावी. वांगी मधूनच एकदोनदा झाऱ्याने अलगद ढवळावीत. 
• वांगी शिजली की गूळाचे मिश्रण घालावे. दाटसर रस होईपर्यंत शिजवावे. नंतर लवंग-दालचिनी इत्यादीची पूड घालावी. 
• मोहरीची डाळ व मीठ घालावे. खाली उतरवून लोणचे गार होऊ द्यावे. नंतर काचेच्या बरणीत भरून ठेवावे. 
• आठदहा दिवसांपेक्षा जास्त टिकत नाही.