उपवासाची बटाटा भाजी

 

साहित्य : 

• २ कप शिजलेल्या बटाट्याच्या फोडी 
• १ चमचा साजूक तूप 
• १/२ चमचे जिरे 
• ३-४ हिरव्या मिरच्या 
• २ चमचे शेंगदाण्याचा कूट 
• १ चमचा लिंबाचा रस 
• १/२ ते १ चमचा साखर 
• चवीपुरते मीठ 

कृती : 

• बटाटे शिजवून घ्यावेत. बटाटे सोलून त्याच्या मध्यम फोडी कराव्यात. 
• कढईत १ चमचा तूप गरम करावे. त्यात जिरे आणि चिरलेल्या मिरच्या घालाव्यात. 
• यात बटाट्याच्या फोडी घालून मध्यम आचेवर परतावे. चवीपुरते मीठ आणि साखर घालावी, दाण्याचा कूट घालावा. झाकण ठेवून वाफ काढावी. 
• २-३ मिनिटांनंतर त्यात लिंबू रस घालून मिक्स करावे. 
• अशा प्रकारे उपवासाची बटाटा भाजी तयार होईल.