लसणीचे वरण

 

साहित्य :- 

• १/२ कप तूरडाळ 
• २ लसूण पाकळ्या 
• ३ टीस्पून बारीक चिरलेली कोथिंबीर 
• २ हिरव्या मिरच्या 
• ३-४ कढीपत्ता 
• फोडणीसाठी : - १ टीस्पून तेल, १/८ टीस्पून मोहरी, १/४ टीस्पून जिरे, १/८ टीस्पून हिंग, १/४ टीस्पून हळद.
• २ टीस्पून लिंबाचा रस 
• मीठ 

कृती :- 

• १/२ कप तूरडाळ स्वच्छ धुवून प्रेशर कुकरमध्ये मऊसर शिजवून घ्यावी. नंतर रवीने किंवा चमच्याने घोटून घ्यावे.
• लसणीच्या पाकळ्या सोलून बारीक चिरून घ्याव्यात. मिरच्या उभ्या चिरून घ्याव्यात.
• कढईत तेल गरम करून मोहरी, जिरे, हिंग, हळद, कढीपत्ता घालून फोडणी करावी.
   
• चिरलेल्या लसूण पाकळ्या आणि मिरच्या फोडणीत घालून १५ सेकंद परतावे. 
• कोथिंबीर घालावी आणि ५-७ सेकंद परतून घोटलेली डाळ घालावी. आवश्यकतेनुसार पाणी घालावे. मीठ घालावे.
• १-२ वेळा उकळी काढावी. लिंबाचा रस घालावा. 
• हे लसणीचे वरण गरम गरम तूप-भाताबरोबर वाढावे.