तिळाचा भात बनवण्यासाठी साहित्य :-
- दीड कप शिजवलेला भात
- २ चमचे तीळ
- १ चमचा उडीद डाळ
- २ सुक्या लाल मिरच्या
- फोडणीसाठी : ३ चमचे तेल, २ चिमटी मोहरी, १/४ चमचा हिंग
- १ डहाळी कडीपत्ता
- मुठभर शेंगदाणे
- चवीपुरते मीठ
- तीळ भाजून घ्यावे. उडीद डाळ लालसर रंग येईस्तोवर कोरडी भाजावी. मिक्सरमध्ये आधी उडीद डाळ आणि मिरची बारीक करून घ्यावी. ती एका वाटीत काढावी. नंतर तिळाची बारीक पूड करावी.
- कढईत तेल गरम करून आच बारीक करावी. त्यात शेंगदाणे खमंग तळून घ्यावे. त्यात मोहरी, हिंग, कडीपत्ता घालून फोडणी करावी.
- भात आणि मीठ घालून परतावे. नंतर तिळाची आणि उडीद डाळीची पूड घालावी. मिक्स करावे.
- झाकण ठेवून मंद आचेवर एक वाफ काढावी. हा भात गरमच खावा. खाताना तूप घालून खाल्यास अधिक चविष्ट लागतो.
No comments:
Post a Comment