गव्हाच्या रव्याचा उपमा

 

गव्हाच्या रव्याचा उपमा बनवण्यासाठी साहित्य :- 

• पाव किलो गव्हाचा जाडसर रवा 
• १ वाटी चणाडाळ 
• ४ चमचे खोबरे 
• कोथिंबीर 
• ४-५ हिरव्या मिरच्या 
• मीठ 
• अर्धी वाटी तेल 
• चवीपुरती साखर 
• फोडणीचे साहित्य
   

कृती :- 

• गव्हाचा रवा थोड्या पाण्यात कुकरमध्ये शिजवून घ्यावा. डाळ भिजवून ती जाडसर वाटून घ्यावी. 
• मिरची डाळीबरोबरच मिक्सरमध्ये फिरवून घ्यावी. अर्धी वाटी तेलात हिंग, जिरे, हळद, मोहरी घालून फोडणी तयार करावी व त्यात वाटलेली डाळ परतून घ्यावी. 
• नंतर त्या डाळीत शिजवलेला रवा, मीठ व चिमुटभर साखर घालून मंद्ग्नीवर परतावे. 
• १५ मिनिटानंतर उपमा तयार होईल. त्यावर कोथिंबीर पसरून खाण्यास द्यावे. ह्यामध्ये मटार, काजू वैगेरे घालून स्वाद वाढवू शकता.