मनचाऊ सूप

 

साहित्य :- 

• १ चमचा तेल 
• ५ मोठ्या लसूण पाकळ्या, एकदम बारीक चिरून 
• १ इंच आल्याचा तुकडा, सोलून बारीक चिरून 
• १ ते २ हिरव्या मिरच्या 
• १ कप भाज्या, एकदम बारीक चिरलेल्या - भोपळी मिरची, गाजर, मश्रुम, पती कांद्याचा पांढरा भाग 
• ३ कप व्हेजिटेबल स्टॉक 
• १ चमचा सोया सॉस 
• १/२ चमचे व्हिनेगर 
• १/२ टोमॅॅटो केचप 
• १/२ मॅॅगी चिली मसाला सॉस १ चमचा कॉर्न फ्लोअर 
• २ चिमटी व्हाईट पेपर पावडर 
• चवीपुरते मीठ 
• सजावटीसाठी पाती कांद्याचा हिरवा भाग 
• १/४ कप शेवया.

 

कृती :- 

• शेवया :- चायनीज नुडल्स पाण्यात उकळवून साधारण ८० ते ९०% शिजवून घ्याव्यात. शिजवलेल्या शेवयांपैकी अर्ध्या शेवया तेलात कुरकुरीत होईस्तोवर तळाव्यात. 
• कढईत १ चमचा तेल गरम करावे. त्यात बारीक चिरलेले आले आणि लसूण ४ ते ५ सेकंद परतावे. मिरची घालून परतावे. त्यावर चिरलेल्या भाज्या घालून अर्ध्या कच्चा शिजवाव्यात. मीठ घालावे. 
• भाज्या अर्धवट शिजल्या कि ३ कप व्हेजिटेबल स्टॉक घालावा. एक उकळी आली कि १ चमचा सोया सॉस , टोमॅॅटो केचप आणि मॅॅगी चिली मसाला सॉस घालून उकळवावे. चव पहावी लागल्यास मीठ घालावे. व्हाईट पेपर पावडर घालावी. 
• १ चमचा कॉर्न स्टार्च १/४ कप पाण्यात मिक्स करून सूपमध्ये घालावे. शेवया वापरणार असाल तर फक्त शिजवलेल्या शेवया घालाव्यात. 

      सर्व्ह करताना बाऊलमध्ये आधी सूप घालावे, त्यावर बारीक चिरलेला पाती कांद्याचा हिरवा भाग आणि तळलेल्या शेवया घालाव्यात.