रव्याचे धिरडे

साहित्य : 

• १ कप रवा 
• ३/४ कप दही 
• १/२ कप पाणी 
• १/२ कप कांदा, बारीक चिरलेला
• १/२ कप टोमॅॅटो, बारीक चिरून 
• २ हिरव्या मिरच्या 
• १/२ चमचे जिरे 
• १/२ चमचे आलेपेस्ट 
• १/४ कप कोथिंबीर, बारीक चिरून 
• चवीपुरते मीठ 
• चिमुटभर बेकिंग सोडा 
• १/४ कप तेल 

कृती : 

• दही आणि पाणी एकत्र करून घट्ट ताक बनवून घ्यावे. त्यात रवा घालून मिक्स करावे. लागल्यास अजून थोडे ताक घालावे. 
• मिश्रण पातळ नको आणि खूप घट्टही नको. मिश्रण एक दीड तास झाकून ठेवून द्यावे. 
• एक दीड तासानंतर त्यात कांदा, टोमॅॅटो, मिरच्या आलेपेस्ट, जिरे कोथिंबीर, मीठ आं बेकिंग सोडा घालून मिक्स करावे. 
• नॉनस्टिक तव्यावर तेल सोडून गरम करावा. तवा गरम झाला की १ डाव मिश्रण घालावे. फक्त पळीने पसरू नये, घावन जाडसर ठेवावे. 
• मिडीयम हाय फ्लेमवर तव्यावर झाकण ठेवून शिजू द्यावे.
• एक बाजू शिजली की थोडे तेल घालून दुसरी बाजू भाजून घ्यावी. 
• गरमच असताना खावे. नारळाच्या चटणीबरोबर सर्व्ह करावे. 
• अशा प्रकारे रव्याचे धिरड तयार होईल.