कोकोनट मोदक

साहित्य :- 

• १/२ कप खवलेला नारळ 
• १/४ कप कंडेन्स मिल्क 
• २ टीस्पून खवा 
• २ चिमटी वेलची पूड
   

कृती :- 

• एका मायक्रोव्हेव-सेफ भांड्यात खवा घालून ५० सेकंद मायक्रोव्हेव करावे. भांडे बाहेर काढून काही सेकंद ढवळावे. 
• आता नारळ घालून ४५ सेकंद मायक्रोव्हेव करावे, असे एकूण ३ वेळा करावे. प्रत्येक ४५ सेकंदानी भांडे मायक्रोव्हेव बाहेर काढून ढवळावे. यामुळे मिश्रण जाळणार नाही.
• कंडेन्स मिल्क आणि वेलचीपूड घालून मिक्स करावे. २ वेळा ३०-३० सेकंद मायक्रोव्हेव करावे. मध्ये एकदा भांडे बाहेर काढून ढवळावे. 
• मिश्रण घट्टसर झाले की मोल्डमध्ये घालून मोदक बनवावे. 
• जर मिश्रण चिकटसर राहिले तर मिश्रण २०-३० सेकंद मायक्रोव्हेव करावे.