काकडीचे थालिपीठ

 

साहित्य : 

• १ कप काकडीचा कीस 
• दीड कप उपासाची भाजणी
• १/४ दाण्याचा कुट
• १/४ कप चिरलेली कोथिंबीर
• २ ते ३ हिरव्या मिरच्यांचा ठेचा 
• चवीपुरते मीठ 
• तूप 

कृती : 

• काकडी सोलून किसावी. किसल्यावर त्यातील पाणी काढून टाकू नये. 
• काकडीच्या किसात थोडे मीठ टाकावे. नंतर दाण्याचा कूट, मिरचीचा ठेचा, आणि कोथिंबीर घालून मिक्स करावे. 
• काकडीच्या मिश्रणात भिजेल इतकी उपासाची भाजणी घालावी. व्यवस्थित गोळा मळून घ्यावा. 
• तव्याला तूपाचा हात लावावा. तयार गोळ्याचे २ ते ३ समान भाग करावे. त्यातील १ भाग घेऊन तव्यावर थापावा. 
• झाकण ठेवून थोडावेळ शिजू द्यावे. मध्यम आचेवर दोन्ही बाजूंनी थालिपीठ खरपूस होऊ द्यावे. 
• थालिपीठ भाजताना कडेने थोडे तूप सोडावे. 
• दही, लिंबाच्या गोड लोणच्यासोबत काकडीचे थालिपीठ चविष्ट लागते. 
• अशा प्रकारे काकडीचे स्वादिष्ट थालिपीठ तयार होईल.