कोबीची भाजी

 

आज आपण रोजच्या वापरातील पदार्थ बनवणार आहोत, तो पदार्थ म्हणजे कोबीची भाजी.
 

साहित्य :- 

• १ मध्यम आकाराचा कोबी 
• १ वाटी ताजे वाटाणे किंवा भिजवलेली हरभरा डाळ किंवा एक मध्यम बटाट्याच्या काचऱ्या 
• ७-८ हिरव्या मिरच्या 
• ७-८ कडीपत्त्याची पान 
• मीठ 
• फोडणीसाठी - १ डाव तेल, मोहरी, हळद, वरून पेरायला भरपूर कोथिंबीर 

कृती :-

 

• कोबी एकसारखा, बारीक चिरून घ्यावा. 
• मिरच्या मिरची कटरमधून काढाव्यात अथवा बारीक चिरून घ्याव्यात. 
• तेलात मोहरीची फोडणी चांगली तडतडली की कडीपत्ता आणि मिरच्या घालाव्यात.
• लगेचच कोबी आणि वाटाणे / डाळ / बटाटे घालावेत. 
• भाजी चांगली हलवून घ्यावी. मीठ घालावे. थोडी कोथिंबीर घालावी. 
• झाकण न घालता मंद आचेवर भाजी शिजवावी. 
• खाली लागू नये म्हणून अधून मधून हलवत रहावी. 
• फार सपक शिजवू नये, थोडा करकरीत राहू द्यावा कोबी. 
• भाजी शिजली की उरलेली कोथिंबीर वरून घालावी.