चीजची बिस्किटे

 

आज आपण चीज पासून बिस्किटे कशी बनवायची त्याची रेसिपी आणि कृती जाणून घेणार आहोत. 

साहित्य :- 

• १०० ग्रॅम मैदा 
• ५० ग्रॅम लोणी 
• २५ ग्रॅम चीज 
• अर्धा चमचा बेकिंग पावडर 
• चिमट्या लाल तिखट ( ऐच्छिक ) 

कृती :- 

• चीज किसून घ्यावा. लोणी हाताने फेसावे. त्यात चीज व मैदा मिसळावा. 
• चांगले मिसळले की त्यात बेकिंग पावडर व तिखट घालावे. पीठ दहा मिनिटे झाकून ठेवावे. 
• पिठाची पाव इंच जाडीची पोळी लाटावी. लाटण्यापूर्वी थोडा मैदा पोळपाटावर भुरभुरावा. म्हणजे पोळी चिकटणार नाही. 
• साचा असल्यास त्याचा वापर करावा व लहान बिस्किटे कापावी किंवा सुरीने चौकोनी तुकडे करावे. 
• तुपाचा हात फिरवलेल्या ट्रेमध्ये ही बिस्किटे मांडवी व कमी तापमानावर सुमारे पंधरा मिनिटे ओव्हनमध्ये भाजावी.