पोळ्यांचा चुरमा

 

आज आपण पोळ्यांचा चुरमा कसा बनवायचा ते पाहणार आहोत. 

साहित्य:- 

• ५-६ पोळ्या ( चपात्या/भाकऱ्या ) 
• १ कांदा 
• तिखट 
• मीठ 
• हळद 
• १ चमचा साखर 
• कडीपत्ता 
• जिरे 
• मोहरी ( फोडणीसाठी ) 

कृती :- 

• पोळ्यांचा बारीक चुरा करावा. त्यावर थोडेसे पाणी शिंपडावे. 
• कांदा बारीक चिरावा. पातेल्यात
  तेल टाकून त्यात हिंग, कडीपत्ता, जिरे, मोहरीची फोडणी द्यावी. नंतर त्यात कांदा टाकावा व मऊ शिजवावा. त्यासाठी पातेल्यावर झाकण ठेवावे. 
• कांदा मऊ झाल्यावर त्यात हळद, तिखट, मीठ टाकून चांगले परतून घ्यावे. त्यामध्ये सर्व चुरमा टाकावा व चांगला परतून घ्यावा. वरून साखर व बारीक चिरून कोथिंबीर पेरावी व झाकण ठेवून २-३ मिनिटे शिजवावे व गरमागरम वाढावे. 
• पोळ्या शिल्लक राहिल्या असल्यास अशा प्रकारचा चुरमा चांगला लागतो. त्यामुळे शिल्लक पोळ्या टाकून द्यावा लागत नाही. 
• ह्यात तुम्ही शेंगदाणे, शिल्लक भात किंवा इतर आवडीच्या वस्तू घालून चव वाढवू शकता.