कांदा पराठा

साहित्य : 

• एक वाटी कणीक 
• अर्धी वाटी मैदा 
• एक मोठा चमचा तुपाचे मोहन 
• अर्धा चमचा मीठ 
• अर्धा चमचा साखर 
• दोन कांदे +चिमुटभर मीठ + अर्धा चमचा तिखट हे मिश्रण कालवून. 

कृती : 

• मीठ - साखर आणि तुपाचे मोहन घालून कणीक व मैदा भिजवून घ्यावा. 
• त्याचे मध्यम आकाराचे बारा फुलके करावेत. 
• आता एका फुलक्यावर कांद्याचे मिश्रण पसरावे. 
• त्यावर दुसरा फुलका कडा दाबून चिकटवावा आणि हलक्या हाताने लाटावा व तव्यावर शेकावा. 
• अगदी खायला घेताना पुन्हा तेल सोडून खरपूस भाजावा. उरलेल्या फुलक्यात पाच पराठे करावे. 
• अशा प्रकारे कांद्याचे चविष्ट पराठे तयार होतील.