वांग्याचे कोरडे भरीत

साहित्य : 

• ३ मोठी कोवळी वांगी 
• २ कांदे 
• १ चमचा आमटीचा मसाला 
• २ चमचे मीठ 
• १ चमचा साखर 
• ३ चमचे ओले खोबरे 
• २ चमचे कोथिंबीर 
• अर्धा चमचा तेल 

कृती : 

• वांगी धुवून पुसावी. अर्धा चमचा तेलाचा पुसट हात वांग्यावरून फिरवावा व नंतर भाजावी. 
• भाजल्यानंतर ताटलीत ठेवून पातेले उघडे घालावे.थंड झाल्यावर साल व देठ काढावी. 
• गर हाताने किंवा जेवणाच्या काट्याने कुस्करावा. 
• कांदे बारीक चिरावे व गरात कच्चेच मिसळावे. इतर साहित्य घालून भरीत कालवावे. 
• पोळीभाकरी बरोबर छान लागते. 
• अशा प्रकारे वांग्याचे कोरडे भरीत तयार होईल.