आपण आज मुग डाळीचा हलवा कसा बनवायचा ते पाहणार आहोत.
साहित्य :-
- १ वाटी मुगडाळ
- १/२ कप खवा
- ३/४ कप गरम दुध
- ३/४ - १ कप गरम पाणी
- ३/४ वाटी साजूक तूप
- ३/४ वाटी साखर
- १/२ टीस्पून वेलची पूड
- ५-६ बदाम
- मुगडाळ मंद आचेवर गुलाबी-लालसर रंग येईपर्यंत भाजावी. डाळ एकसारखी भाजली गेली पाहिजे.
- डाळ कोमट झाली की मिक्सरमध्ये भरडसर वाटून घ्यावी.
- खवा गुलाबी रंग येईपर्यंत भाजून घ्या.
- आता कढईत तूप गरम करून भरडलेली मुगडाळ त्यात परतून घ्यावी. केशरी रंग येईपर्यंत परतावे.
- नंतर गरम दुध थोडे थोडे घालून परतावे व मंद आचेवर वाफ काढावी.
- नंतर गरम पाण्याचा हबका मरून परतत राहावे. डाळीचा रवा पूर्ण शिजेपर्यंत वाफ काढावी.
- डाळीचा रवा फुलून आला की त्यात खवा, साखर आणि वेलचीपूड घालावी. सर्व नीट मिक्स करून एक वाफ काढावी.
- गरमागरम हलवा बदामाचे काप किंवा किस घालून सर्व्ह करा.
No comments:
Post a Comment