रव्याची इडली

 

साहित्य : 

• एक वाटी उडीद डाळ 
• दोन वाट्या इडली रवा 
• अर्धा चमचा मेथी दाणे 
• चवीला मीठ. 

कृती : 

• डाळ आणि रवा धुवून वेगवेगळे भिजत घालावे. 
• दोन्हीत थोडे थोडे मेथी दाणे घालावे. 
• उडीद डाळ अगदी गुळगुळीत वाटावी. डाळ वाटून होत आली की पाणी निथळून रवा घालून वाटावी. 
• त्यात मीठ घालून लागेल तसे पाणी घालून मोठया पातेल्यात झाकून उबेच्या जागी रात्रभर जवळजवळ अडीचपट फुगेपर्यंत ठेवा. 
• सकाळी कुकरमध्ये पाणी उकळत ठेवा. 
• इडली पात्राच्या वाट्यांंना तेलाचा हात लावून प्रत्येकात डावानं अर्धी वाटी भरेल एवढं पीठ घाला. 
• पातेल्यातलं पीठ अजिबात न ढवळता कडेकडेने पीठ काढा. म्हणजे फुग मोडणार नाही. 
• सात-आठ मिनिटात इडल्या उकडून होतील. 
• अशा प्रकारे रव्याच्या इडली तयार होतील.