स्वादिष्ट भरली भेंडी

साहित्य : 

• ३/४ कप शेंगदाणे खमंग भाजून 
• ३/४ कप पांढरे तीळ भाजून 
• १/४ कप खोबरे कीस भाजून 
• २ चमचे गोड मसाला 
• १ चमचा लाल तिखट 
• १ चमचा जीरे पावडर 
• १/२ चमचे आमचूर पावडर / लिंबाचा रस 
• १.५ चमचे मीठ 
• १ चमचा हळद 
• २ चमचे गोडेतेल 
• ६-७ कढीपत्ता पाने 
• फोडणीसाठी - जिरे, मोहरी, हिंग, हळद 

कृती : 

• प्रथम भेंडी मोठया भांड्यात भरपूर पाण्यात घालावी. १/२ तास तशीच ठेवावी. अर्ध्या तासाने या पाण्यात स्वच्छ चोळून दुसऱ्या चाळणीत घालावी. व चाळणीतील भेंडी पुन्हा चांगल्या पाण्याने धुवून निथळून घ्यावी. फडक्यावर पसरून कोरडी करावी व स्वच्छ पुसावी. 
• कोरड्या पुसलेल्या भेंडीला मधोमध चीर पडून, शेंडे व टोके काढावीत. 
• भेंडीमध्ये जो मसाला भरायचा आहे टो तयार करून घ्यावा. वरील मसाल्याच्या साहित्याप्रमाणे तीळ, दाणे, खोबरे भाजून अर्धवट असे बारीक करावे. 
• एका ताटात हे काढून घ्यावे. त्यात तिखट, गोडामसाला, जिरेपूड, मीठ , लिंबाचा रस, हळद घालावे. वरून २ चमचे गोडेतेल घालावे. 
• यामुळे मसाल्याला थोडा ओलसरपणा येतो. सर्व मिश्रण एकजीव करावे. 
• मधोमध चीर दिलेल्या भेंडीमध्ये मसाला भरपूर आणि दाबून भरावा. आता कढईत तेल तापत ठेवावे. फोडणी करून द्यावी. 
• फोडणीत भरलेली भेंडी घालून परतावी. लागल्यास तेल घालावे. 
• पाच मिनिटे परतून झाकण ठेवावे. १० मिनिटांनी झाकण काढावे व पुन्हा भेंडी परतावी. आता झाकण घालू नये. भेंडी हलक्या हाताने परतावी. 
• भेंडी शिजली का ते चेक करावे, व शिजली असल्यास गॅॅस बंद करावा. भेंडी कढईतून काढावी. वरून कोथिंबीर घालावी. 
• अशा प्रकारे चविष्ट अशी भरली भेंडी तयार होतील.