मसूर डाळ

 

साहित्य :- 

• १ वाटी मसूर डाळ 
• ५-६ हिरव्या मिरच्या 
• ४ लसूण पाकळ्या 
• १ सें.मी. आले ( बारीक तुकडा ) 
• २ कांदे, २ बटाटे, २ टोमाटो 
• अर्धी वाटी ओले खोबरे 
• अर्धा चमचा साखर 
• ४ चमचे तेल किंवा तूप 
• अर्धा चमचा मोहरी, १ चमचा मीठ 
• १ चमचा गरम मसाला पावडर 

कृती :- 

• मिरच्या, आले व लसूण जाडसर खरडावी किंवा कुटावी व डाळीत हा खडा घालून डाळ शिजवावी. 
• बटाटे उकडावे व टोमाटो शिजवावे. कांदे सोलून बारीक चिरावे.
• बटाटे सोलून चिरावे. डाळीत टोमाटो, बटाटे, मीठ, साखर व खोबरे घालावे. एका लहान पातेलीत तेल तापले की त्यात मोहरी घालावी. 
• कांदा घालून परतावा व गरम मसाला त्यात घालून ही फोडणी डाळीवर ओतावी. 
• ५-७ मिनिटे डाळ मंद आचेवर उकळू द्यावी.
• पोळी किंवा भाताबरोबर वाढावी.