दम आलू

 

साहित्य :- 

• छोट्या आकाराचे अर्धा किलो बटाटे 
• चिमुटभर हिंग १/२ चमचा हळद 
• १ चमचा मिरची पावडर १ मध्यम आकाराचा कांदा 
• २ कप दही 
• ४-५ तमालपत्राची पाने १ चमचा आलं, लसूण पेस्ट 
• ४ चमचे तेल 
• १/२ कप दुध 
• मीठ चवीनुसार. 

मसाल्यासाठी :- 

• २ वेलदोडे 
• ७-८ मिरे 
• १ चमचा धने 
• १/४ चमचा शहाजिरे ४-५ लवंगा 
• १ लहान दालचिनी. 

कृती :- 

• पहिला मसाल्याचे साहित्य मिक्सरमधून बारीक वाटून बाजूला ठेवावे. 
• बटाटे प्रथम धुवून बेताचे उकडून सोलावेत. 
• कढईत तेल तापवून सर्व बटाटे खमंग तळावेत व बाजूला ठेवावेत. 
• कढईत बटाटे तळून उरलेले तेल थोडे कमी करावे व उरलेल्या तेलात कांदा, हिंग, तमालपत्र आणि आलं लसूण पेस्ट घालून परतावे. 
• हे मिश्रण गुलाबी रंगावर परतला गेला की तेल सुटू लागते. 
• नंतर त्यात बारीक वाटून ठेवलेला मसाला मिक्स करून २-३ मिनिटे मध्यम आचेवर झाकून ठेवावे. 
• नंतर त्यात हळद, मिरची पावडर आणि मीठ घालून परतावे. 
• नंतर तेल सुटायला लागले की गॅॅस मोठा करून दही आणि दुध घालून डावाने घोटावे. 
• मिश्रण जाड वाटल्यास थोडे उकळते पाणी घालून ढवळावे. 
• नंतर त्या मिश्रणात तळलेले बटाटे घालून परतावे. 
• सर्व मसाला बटाट्यांना सर्वत्र लागला पाहिजे. आणि गॅॅस बंद करून भाजीला दोन चांगल्या वाफा द्याव्यात. 

       आवडत असल्यास सजावटीसाठी कोथिंबीर घालून सर्व्ह करावे.