रताळ्याचे गोड काप

 

साहित्य : 

• २ कप रताळ्याचे काप 
• १/४ कप साखर 
• १ चमचा वेलदोडा पूड 
• २ चमचे ड्रायफ्रुट 
• ३ चमचे ओले खोबरे 
• २ चमचे साजूक तूप 

कृती : 

• प्रथम रताळे स्वच्छ धुवून त्याचे गोल पातळ असे काप करून घेणे. नंतर हे काप पाण्याने स्वच्छ धुवून घेणे. 
• कढई मध्ये तूप घालून ते गरम करून घेणे. तूप गरम झाले की त्यात बारीक कापलेले गोल रताळ्याचे काप घालून २ मिनिटे परतून घेणे. 
• नंतर ड्रायफ्रुट चे तुकडे व खोवलेले ओले खोबरे घालून सगळे हलवून घेणे. 
• नंतर त्या वर झाकण ठेवून 5-7 मिनिटे छान ते काप शिजवून घेणे. गॅॅस मध्यम आचेवर ठेवावा. 
• हे काप शिजले की त्यात वेलदोडा पूड व आवडीनुसार साखर बारीक करून घालणे. 
• हे रताळे काप साखर विरघळे पर्यंत हलवत राहणे. व पुन्हा झाकण ठेवून वाफ काढून घेणे. 
• साखर विरघळत आली क रताळे काप क्रीस्पो होण्यास लागतात. मस्त सुगंध यायला लागतो. अशाप्रकारे छान क्रिस्पी असे हे गोड रताळ्याचे काप तयार झाले.