कच्च्या पपईची भाजी

साहित्य : 

• तीन वाट्या फोडी होतील एवढी मध्यम आकाराची पपई 
• लाल सुक्या मिरच्या एक-दोन 
• भिजवलेली हरभरा डाळ वा मूग डाळ पाऊन वाटी किंवा भिजवलेले वाटाणे अर्धी वाटी 
• तेल 
• मीठ, तिखट 
• धणेपूड, गूळ चवीपुरता 

कृती : 

• पपईची साल नीट काढून तिच्या बेताच्या आकाराच्या फोडी कराव्यात. 
• फोडणी करून त्यात प्रथम भिजवलेली डाळ टाकून थोडी परतून घ्यावी. 
• त्यावर पपईच्या फोडी टाकून परताव्यात. वाफा आल्यावर अर्धी वाटी पाणी घालून झाकण ठेवावं. 
• मंद आचेवर डाळ व भाजी शिजल्यावर मीठ, गूळ चवीपुरते घालावं. 
• तिखट, धणेपूड घालून अलगद ढवळावी. वरून खोबर, कोथिंबीर घालावी. 
• भाजीत गरम पाणी घालावं. एकसारखी ढवळू नये. 
• अशा प्रकारे पपईची भाजी तयार होईल.