साबुदाणा चिवडा

 

साहित्य : 

• १ वाटी नायलॉन साबुदाणा 
• पाउन वाटी शेंगदाणे 
• पाव वाटी सुके खोबरे 
• तळण्यासाठी तेल 
• १ लहान चमचा जिरेपूड 
• लाल तिखट 
• चवीपुरते मीठ 
• चवीपुरती साखर 

कृती : 

• सर्वप्रथम साबुदाणे तळून घ्यावेत. एका पेपर टॉवेलवर काढून मग एखाद्या पसरट भांड्यात काढावे. 
• नंतर शेंगदाणे आणि सुक्या खोबऱ्याचे पातळ काप तळून घ्यावे. दोन्ही पेपर टॉवेलवर काढून अधिकचे तेल काढून टाकावे. 
• तळलेल्या साबुदाण्याला चवीपुरते मीठ, साखर, लाल तिखट, जिरेपूड लावून घ्यावे. 
• त्यात तळलेले शेंगदाणे, खोबऱ्याचे काप घालावे. सर्व नीट मिक्स करावे. 
• अशा प्रकारे साबुदाण्याचा चिवडा तयार होईल.