झटपट व पौष्टिक दुधी भोपळ्याचे भरीत

         झटपट होणारा, पौष्टिक, चटपटीत आणि महाराष्ट्रीय पदार्थ दुधी भोपळ्याचे भरीत. 

दुधी भोपळ्याचे भरीत करण्यासाठी लागणारे साहित्य :- 

• १ मध्यम आकाराचा भोपळा 
• २ मोठे कांदे 
• १ छोटा टोमॅॅटो 
• ५-६ लसूण पाकळ्या 
• २ चमचे शेंगदाणे 
• २ चमचे शेंगदाणे 
• १  चमचा लाल तिखट 
• २ चमचे तेल 
• आवडीनुसार कोथिंबीर 
• चवीनुसार मीठ. 

दुधी भोपळ्याचे भरीत करण्याची कृती :- 

• सर्वात आधी भोपळा स्वच्छ धुवून कोरडा करावा. 
• मग भोपळ्याला तेल लावून वांग जसे भाजतो तसे गॅॅसवर सर्व बाजूने भाजून घ्यावे. 
• थंड झाल्यावर सुरीने काळा झालेला भाग काढावा, पूर्ण काढू नये. 
• काळपट भाग काढून झाल्यावर भोपळा कुस्करून घ्यावा. 
• आता गॅॅसवर कढई ठेवून त्यात तेल टाकावे आणि शेंगदाणे लालसर भाजून घ्यावेत. 
• शेंगदाणे भाजून झाल्यावर त्यात कांदा परतून घ्यावा. 
• त्यामध्ये लसूण, हळद, लाल तिखट, चवीनुसार मीठ टाकून परतून घ्यावे. 
• परतल्यावर त्यात टोमॅॅटो टाकून मध्यम आचेवर परतून घ्यावे. 
• आता कुस्करलेला भोपळा या मिश्रणात घालून व्यवस्थित परतून घ्यावा व पाच मिनिटे मंद आचेवर झाकून ठेवावे. 
• पाच मिनिटाने गॅॅस बंद करावा व त्यावर कोथिंबीर पसरावी. 
• ज्यांना वांग्याचा त्रास होतो त्यांनी दुधी भोपळ्याचे भरीत करून पहावे.  

                  तयार आहे झटपट दुधी भोपळ्याचे भरीत.