चमचमीत आणि मस्तच दही मिसळ

 
'दही मिसळ' साठी लागणारा साहित्य :- 

• ५०० ग्रॅॅम मटकी 
• ७-८ हिरव्या मिरच्या 
• १/२ नारळ 
• लिंबाएवढा गूळ 
• मीठ
• २ मोठे बारीक चिरलेले कांदे 
• २ मोठे उकडलेले चौकोनी तुकडे करून बटाटे 
• १०० ग्रॅॅम बारीक शेव 
• १०० ग्रॅॅम चिवडा 
• २ वाट्या दही. 

'दही मिसळ' करण्याची कृती :- 

• आदल्या दिवशी मटकी भिजत घालावी. तिला मोड आल्यावर मटकी निवडून घ्यावी. 
• तेलात हिंग, मोहरी, हळद घालून फोडणी द्यावी. त्यात मोड आलेली मटकी घालावी. 
• जरा परतून थोडे पाणी घालावे व मटकी शिजू द्यावी. 
• मटकी शिजल्यावर त्यात वाटलेल्या मिरच्या, गूळ व मीठ घालून उसळ बनवावी. 
• कोथिंबीर व नारळ घालून उसळ खाली उतरवावी. 
• उसळीत पाणी अजिबात राहता नये. उसळ गार होऊ द्यावी. 
• आयत्या वेळी प्लेटमध्ये २ डाव उसळ घालावी.
•  उसळवर थोडा बारीक चिरलेला कांदा घालावा. बटाट्याच्या फोडी घालाव्यात. 
• नंतर त्यावर चिवडा  व बारीक शेव घालावे.
• वरती १ चमचा गोड व घट्ट दही घालावे व बटर लावून भाजलेल्या पावाबरोबर सर्व्ह करावे.