यम्मी बासुंदी

 

साहित्य : 

• २ लिटर दूध 
• ४-५ केशर 
• २ चमचे वेलचीपूड 
• २ चमचे काजू, बदाम, पिस्त्याचे काप
• १/२ वाटी साखर
   

कृती : 

• सर्व दूध कधीही एकदम तापवू नये, प्रथम एक लिटर दूध आटवत ठेवावे. गॅॅसवर जाड बुडाच्या कढईत दूध आटवावे. 
• दूध निम्मे राहिले की पहिले आटलेले दूध बाजूला ठेवावे व दुसरे दूध आटवण्यास ठेवावे. 
• निम्मे झाले की दोन्ही दूध एकत्र करावी. केशर गरम करून चुरून घालावे.
• साखर घालावी, वेलची पूड आणि बदाम-पिस्त्याचे कापही घाला. बासुंदी नेहमी घट्ट झाली पाहिजे. 
• मोठया गॅॅसवर थोडे थोडे दूध आटवत ठेवले म्हणजे त्याचा रंग चांगला राहतो. बासुंदी गॅॅसवरून खाली उतरवल्यावर थंड होईपर्यंत ढवळत राहावे. म्हणजे वरती साय धरणार नाही व ती साय बासुंदीत मिसळून जाईल व तोंडातही येणार नाही. 
• अशा प्रकारे चविष्ट बासुंदी तयार होईल. ती तुम्ही गरमागरम किंवा थंड करून देखील खाऊ शकता.