कुरकुरीत शेव

साहित्य : 

• १/४ कप पाणी 
• १/४ कप तेल 
• चवीपुरते मीठ 
• १/२ ते ३/४ कप बेसन 
• १/४ चमचा हळद 
• १/२ चमचा ओव्याची पूड 
• तेल तळण्यासाठी
   

कृती : 

• तेल, ओवापूड आणि पाणी एकत्र करून फेसून घ्यावे. नीट एकजीव होऊ द्यावे. मिश्रण चांगले पांढरे झाले पाहिजे. या मिश्रणात चवीपुरते मीठ आणि हळद घालून मिक्स करावे. 
• यामध्ये चमचा-चमचा बेसन घालून चांगले घोटावे. बर्यापैकी घट्टसर मिश्रण करावे. पातळ अजिबात नको, पण एकदम पिठाचा गोळाही मळू नये.
• सोर्यामध्ये बारीक शेवाची ताटली बसवावी व आतल्या बाजूने तेलाचा हात लावावा.
• काढईत तेल गरम करावयास ठेवावे. मिश्रण सोर्यामध्ये भरून गरम तेलात आतून बाहेर असे २-३ वेळा गोलाकारात शेव पाडावी.मिडीयम हाय फ्लेमवर शेव तळून घ्यावी. जास्तवेळ तळू नये, यामुळे शेवचा रंग बदलतो. 
• तळलेली शेव टिश्यू पेपरवर काढावी. नंतर शेव हलक्या हाताने चुरडून घ्यावी. 

                      अशा प्रकारे कुरकुरीत शेव तयार होतील.