ज्वारीचे पौष्टिक घावण

 

साहित्य : 

• १ कप ज्वारीचे पीठ 
• १/४ कप फ्रेश दही 
• १/२ कप मेथीचे पाने कापून 
• १/२ कप कोथिंबीर
• १ टेबलस्पून हिरवी मिरची, लसूण ठेचा 
• १ टेबलस्पून पांढरे तीळ 
• १/४ टीस्पून ओवा 
• १/४ टीस्पून हळद, पाव टीस्पून हिंग 
• १/२ टीस्पून लाल तिखट 
• मीठ चवीनुसार 
• १ चमचा तेल 

कृती : 

• मेथीची पाने तोडून घ्या. कोथिंबीर निवडून घ्या, स्वच्छ धुवून बारीक कापून घ्या. 
• हिरवी मिरची, लसूण, जीरे मिक्सरमध्ये जाडसर वाटून घ्या, किंवा खलबत्त्यात कुटुन घ्यावे, बाकीचे साहित्य एकत्र जमा करून ठेवा. 
• वाटी मध्ये ज्वारीचे पीठ घेऊन त्यात दही, हळद, हिंग, मीठ, हिरवी मिरची लसूण ठेचा, ओवा सर्व घालून मिक्स करा. 
• व लागेल तसे पाणी घालून सैलसर बॅॅटर बनवून घ्या. 
• आता मेथीची पाने आणि कोथिंबीर घालून मिक्स करा व दहा मिनिटे झाकून ठेवा.
• मिडीयम गॅॅसवर तवा गरम करून घ्या. घावण च्या बॅॅटर मध्ये एक टेबलस्पून तेल घालून मिक्स करा व तव्याला तेल लावून टिश्यू पेपर णे पुसून घ्या आणि तव्यावर तीळ भुरभुरावे व पळीने बॅॅटर पसरवून घ्या, 
• वरून तीळ भुरभुरावे, तेल किंवा तूप घालून झाकण ठेवा.
• दोन तीन मिनिटांनी झाकण काढून घावण पालटून घ्या अशा प्रकारे सर्व घावण खरपूस भाजून घ्या 

            अशा प्रकारे गरमागरम ज्वारीचे पौष्टिक घावण तयार होतील. खोबऱ्याची चटणी,टोमॅॅटो सॉस सोबत सर्व्ह करू शकता.