तांदळाच्या शेवया

 

साहित्य : 

• २ वाट्या तांदळाचे पीठ 
• २ वाट्या पाणी 
• १ चमचा लोणी 
• अर्धा चमचा मीठ 
• १ नारळाचे दूध 
• चवीनुसारसाखर 
• वेलची पूड 

कृती : 

• तांदूळ स्वच्छ धुवून सावलीत वाळवावे.
• नंतर दळून आणावे.
• ह्या पीठातील २ वाट्या पीठ घ्यावे. 
• एका पातेल्यात २ वाट्या पाणी उकळण्यास ठेवावे. 
• त्यात लोणी व मीठ घाला. 
• पाण्याला उकळी आली की त्यात २ वाट्या तांदळाचे पीठ घालून, उलथन्याच्या टोकाने ढवळा. 
• नंतर झाकण ठेवून वाफ येऊ द्यावी. 
• २-३ वाफ आल्या की उतरवावे. 
• नंतर ही उकड ताटात काढून घ्या. 
• तुपाचा किंवा पाण्याचा हात लावून चांगली मळावी.
• ह्या मळलेल्या उकडीचे बेताच्या आकाराचे लांबत गोळे करावे. 
• मोदकपात्रात पाणी घालून त्यावर चाळण ठेवावी.
• चाळणीवर एखादा कापड किंवा केळीच्या पानाचा तुकडा घालावा. 
• त्यावर हे गोळे ठेवून १० ते १५ मिनिटे वाफवून घ्यावे. 
• नंतर खाली उतरवून शेवेच्या सोऱ्याने वरील पिठाच्या शेवयाचे चवंगे तूप लावलेल्या ताटात पाडावे.
• नारळाच्या बेताचे जाडसर दूध काढा. 
• त्यात साखर किंवा गूळ घालून बेताचे गोड करावे.
• वेलची पूड घालावी. 

           अशा प्रकारे तांदळाच्या शेवया तयार होतील.