आवळा कँडी

 

आज आपण लहान मुलांना आवडणारी आवळा कँँडी बनवणार आहोत.
 

साहित्य :- 

• आवळे 
• साखर 
• पाणी 
• पिठीसाखर
   

कृती :- 

• आवळे धुवून पुसून कोरडे करून घ्यावे. 
• प्लास्टिकच्या पिशवीत पॅक करून डिप फ्रीजरमध्ये २ दिवस ठेवावे. २ दिवसांनी बाहेर काढून ठेवावे thawing होऊ द्यावे. 
• thawing झाल्यावर त्यातील बिया काढून पाकळ्या वेगळ्या करून घ्याव्यात. ( सहज करता येतात ).
• साखरेचा पक्का पाक करावा आणि गार होऊ द्यावा, आवळ्याच्या पाकळ्या पाकात ३ दिवस मुरवत ठेवाव्यात, सगळ्या पाकळ्या बुडतील एवढा पाक असावा, रोज आवळ्याचा रस निघेल तो काढून टाकावा, पूर्ण पाक काढू नये, ( या रसाचे सरबत करता येते. ) 
• तीन दिवसांनी आवळे साधारण कोरडे वाटतील. एका ताटात पिठीसाखर घ्यावी. आवळ्याची १-१ पाकळी त्यात घोळवून एखादा जाड प्लास्टिकच्या कागदावर काढून ठेवावे. 
• ७-८ तास सावलीतच वाळू द्यावे. 
• आवळा कँँडी तयार.