डाळ वडा बनवण्यासाठी लागणारे साहित्य :-
- १ कप चणा डाळ
- लाल-हिरवी मिरची
- जिरं
- बडीशेप
- बारीक चिरलेला कांदा
- बारीक चिरलेला कडीपत्ता
- आलं-लसूण पेस्ट
- मीठ
- तेल.
डाळ वडा बनवण्याची कृती :- सर्वात आधी एका भांड्यामध्ये एक कप चणा डाळ घ्या. त्यामध्ये पाणी घालून ती डाळ रात्रभर किंवा ८ तासांसाठी भिजत ठेवा. डाळी भिजल्यानंतर त्या डाळींमधील अतिरिक्त पाणी काढून घ्या. त्यानंतर ही डाळ मिक्सरच्या भांड्यामध्ये घाला आणि त्यामध्ये लाल-हिरवी मिरची, जिरं, बडीशेप घालून मिश्रण जाडसर वाटून घ्यावे. मिश्रण वाटून झाल्यानंतर त्यामध्ये एक कप भिजलेली चणाडाळ, बारीक चिरलेला कडीपत्ता, बारीक चिरलेला कांदा, आलं-लसूण पेस्ट, मीठ घालून सर्व मिश्रण हाताने मिक्स करून घ्या. मिश्रण मिक्स झाल्यानंतर त्याला छोटे-छोटे वाड्यांचा आकार द्या. दुसरीकडे कढईमध्ये तेल गरम करण्यासाठी ठेवा आणि या तेलामध्ये तयार केलेले डाळीचे वडे तळून घ्या. अशा प्रकारे कुरकुरीत डाळ वडा खाण्यासाठी तयार झाला आहे.
No comments:
Post a Comment