नारळाची बर्फी

 

साहित्य : 

• २ कप खोवलेला नारळ 
• १ कप साखर 
• ३ टेबलस्पून तूप 
• १/२ चमचे वेलचीपूड 
• १/२ कप दूध 

कृती : 

• नारळ फोडून घ्या. नारळ खोवून चव काढून घ्या. साखर प्लेटमध्ये काढून घ्या. 
• गॅॅसवर कढईत दोन टेबलस्पून तूप घालून त्यात नारळाचा चव घालून बारीक गॅॅसवर दोन तीन मिनिटे परतून घ्या. 
• आता साखर व दूध घालून घ्या, वेलचीपूड घाला. 
• मिडीयम टू लो गॅॅसवर हलवत रहा. साखर विरघळून मिश्रण पातळ होईल, हलवत रहा हळूहळू मिश्रण घट्ट व्हायला सुरुवात होईल. आता एक टेबलस्पून तूप घाला व छान घट्ट गोळा झाला की 
• बर्फी ट्रे ला किंवा प्लेटला तूप लावून घ्या व घट्ट झालेले मिश्रण ताटात काढून पसरून घ्या, वाटीला तूप लावून वाटीने च थापून घ्या, वरून ड्रायफ्रुट्स भुरभुरावे व थोडे प्रेस करा. 
• पाच मिनिटांनी काप करून घ्यावेत व पूर्ण थंड झाल्यावर प्लेटमध्ये काढून घ्या. 
• अशा प्रकारे नारळाची चवदार बर्फी तयार होईल.