ब्रेड रोल

 

साहित्य :

• ४/५ ब्रेड स्लाईज
• ४/५ बटाटे 
• ४/५ हिरवी मिरची
• ४/५ लसूण पाकळ्या 
• १ चमचा जिरे 
• १ चमचा शोप 
• १ चमचा हळद 
• १ चमचा तिखट 
• १ मध्यम कांदा 
• २ चमचे कोथिंबीर
• १ चमचा कॉर्न पावडर 

चटणी साठी लागणारे साहित्य 

• २ चमचे पुदिना
• १ चमचा कोथिंबीर
• १ चमचा कैरीचे तुकडे 
• १ चमचा जिरे 
• ३ चमचे दाण्याचा कुट
• चवीनुसार मीठ 
• तेल
   

कृती : 

• प्रथम बटाटे उकडून घ्या. स्मॅॅश करा, एका पॅॅन मध्ये १ चमचा तेल घाला, त्यात मोहरी, जिरे, हिरवी मिरची, शोप घाला, कांदा घाला, तिखट घाला स्मॅॅश केलेला बटाटा घाला, छान मिक्स करा, लिंबाचा रस घाला , कोथिंबीर घाला अशा तऱ्हेने स्टफिंग तयार होईल. 
• चटणी- हिरवी मिरची, लसूण, कोथिंबीर, जीर, कैरीचे तुकडे, पुदिना, मीठ, साखर, सर्व साहित्य घालून बारीक वाटून घ्या. 
• एका मोठया वाटीत पाणी घ्या व त्यात थोडं मीठ घाला, ब्रेड चे स्लाईजचे साईडच्या कडा काढून घ्या. २ सेकंद ब्रेड पाण्यात बुडवा आणि लगेच काढा. थोडं हाताने प्रेस करून पाणी काढून टाका. 
• आता वरील भाजी तयार केलेली त्याचा रोल करा व ब्रेड च्या स्लाईज वर ठेवून दोन्ही बाजू दुमडून त्याला रोल तयार करा. 
• ब्रेड क्रम्स वर घोळून गरम तेलात मध्यम आचेवर खरपूस तळून घ्या. 
• सॉस किंवा कैरीच्या चटणी सोबत गरम गरम ब्रेड रोल खाऊ शकता. 
• अशा प्रकारे कुरकुरीत ब्रेड रोल तयार होतील.