मऊ लुसलुशीत रवा केक

 

साहित्य : 

• २ वाटी बारीक रवा 
• १ वाटी ताजे दही 
• १ वाटी पिठी साखर 
• १ वाटी दूध 
• १/४ वाटी तेल 
• १ चमचा व्हॅॅनिला इसेन्स
• थोडी टूटी फ्रुटी 
• १ वाटी मीठ कुकरमध्ये तळाला घालण्यासाठी 
• १ चमचा बेकिंग पावडर 
• १ चमचा बेकिंग सोडा
   

कृती : 

• प्रथम दही फेटून घ्यायचे, फेटलेल्या दह्यात तेल आणि पिठी साखर नीट मिक्स करून घ्यायचे. नंतर त्यात एक चमचा व्हॅॅनिला इसेन्स घालायचे. 
• नंतर त्यात रवा नीट मिक्स करून १५-२० मिनिटे झाकून भिजण्यास ठेवावे. आता बेकिंगसाठी गॅॅसवर कुकर गरम करण्यास ठेवावे, कुकरच्या तळाला एक वाटी मीठ टाकून घावे.
• रवा भिजल्यामुळे दही पूर्णपणे शोषून घेतो, आता ह्यात लागेल तसे दूध घालून केकचे बॅॅटर साॅॅफ्ट बनवून घेऊन यातच बेकिंग सोडा व बेकिंग पावडर छान मिक्स करून घेऊन तेल लावून ग्रीस केलेल्या केकच्या टीनमध्ये थोडी टूटी फ्रुटी घालून त्यावर हे बॅॅटर पसरवून घ्यावे. 
• वरूनही थोडी टूटी फ्रुटी टाकून केकचा टीन गरम केलेल्या कुकरमध्ये स्टॅॅड ठेऊन त्यामध्ये बेक करण्यासाठी ठेवावे, कुकरची शिट्टी व रिंग काढून कुकरचे झाकण बंद करावे. साधारण ४० मिनिटे मेडिअम गॅॅस फ्लेमवर ठेवावे.
• ४० मिनिटानंतर छान सॉफ्ट बेक झालेला रवा केक तयार होतो.गोल किंवा चौकोनी टीनमध्ये बेक केक करू शकता. 
• अशा प्रकारे रव्याचा लुसलुशीत केक तयार होईल.