पापलेट फ्राय

साहित्य :  

• मध्यम आकाराचा एक पापलेट 
• दोन चमचे बेसन 
• एक चमचा आलं-लसूण पेस्ट 
• एक चमचा लिंबू रस 
• अर्धा चमचा हळद 
• एक चमचा फिश मसाला 
• एक चमचा लाल तिखट 
• गरजेनुसार रवा
• एक चमचा धणेपूड 
• मीठ आणि तेल
   

कृती : 

• सर्वात आधी पापलेट नीट धुवून घ्यावं. त्याला आडवे काप द्यावेत. 
• आता या पापलेटला लिंबू रस चोळून घ्यावा. 
• त्यानंतर हळद व आलं-लसूण पेस्ट लावावी. ते कपांमध्ये नीट चोळावंं व झाकून ठेवावंं. 
• साधारण एक-दीड तास मॅॅरीनेट होवू द्यावं. 
• प्लेटमध्ये बेसन, लाल तिखट, फिश मसाला, धनेपूड आणि मीठ एकत्र करावं. 
• पापलेट मॅॅरीनेट झाल्यावर एका प्लेटमध्ये घ्यावं. त्याला बेसन वैगरे मिसळून केलेला मसाला चांगला लावून घ्यावा. मसाला लावल्यानंतर पापलेट रव्यात घोळवून घ्यावं. 
• एका नॉनस्टिक पॅॅनमध्ये थोडं तेल गरम करत ठेवावं. तेल गरम झालं, की त्यावर मसाला लावलेला पापलेट अलगद ठेवावा व चांगला शेकून घ्यावा. 
• शेकत असताना मधेमधे चमचानं थोडा दाबत राहावा. असं केल्यामुळे पापलेट सगळ्या बाजूनंं खरपूस शेकला जातो. 
• साधारण पाच मिनिटांत एक बाजू शेकली जाते. नंतर दुसरी बाजू तशीच शेकून घ्यावी. दोन्ही बाजू शेकून झाल्या, की प्लेट मध्ये काढावे. 

                         अशा प्रकारे फ्राय केलेले पापलेट तयार होईल.