घरच्या घरी करा चविष्ट दाबेली!

 

साहित्य :- 

• लादी पाव ६-८ (पावभाजीचे पाव) 
• २ मध्यम उकडलेले बटाटे 
• ३/४ कप डाळिंबाचे दाणे 
• १० ते १२ द्राक्षं
• ३/४ कप बारीक चिरलेला कांदा 
• १/२ कप रोस्टेड शेंगदाणे 
• बारीक शेव (ऑप्शनल) 
• १ चमचा पावभाजी मसाला 
• १/२ चमचा चाट मसाला 
• १२ चमचे तेल 
• मीठ चवीनुसार 
• बटर 
• हिरवी चटणी आणि चिंचगूळाची चटणी. 

कृती :- सर्वात आधी दोन्ही चटण्या तयार करून घ्याव्यात. 

• बारीक चिरलेल्या कांद्याला थोडा चाट मसाला लावून घ्यावा. प्रत्येक द्राक्षाचे दोन तुकडे करावे. 
• उकडलेले बटाटे सोलून किसून घ्यावेत. कढईततेल गरम करून त्यात ४-५ चमचे चिंचगूळाचे पाणी घालावे. १ पावभाजी मसाला घालावा. किसलेले बटाटे घालावे. मीठ घालावे. मग एकजीव करून घ्यावे. 
• एका मध्यम खोलगट ताटलीत तयार बटाट्याचे मिश्रण थापून घ्यावे. त्यावर कापलेली द्राक्षं, डाळींब आणि शेंगदाणे आवडीनुसार पसरवावे. थोडी शेव आणि कोथिंबीर घालून सजावट करावी. 
• आपण वडापाव बनवताना पावाला तीन बाजूंनी चिर देतो तसे दाबेलीला लगतच्या दोन बाजूंना चिर द्यावा. 
• त्यात चिंचगूळाची चटणी, हिरवी चटणी लावावी त्यात बटाट्याचे सारण घालावे. अजून हवे असल्यास थोडे डाळिंबाचे दाणे, रोस्टेड शेंगदाणे घालावेत आणि कांदा भरावा. 
• तव्यावर १/२ चमचे बटर घालावे त्यावर दाबेली दोन्ही बाजूंनी शेकून घ्यावी. 
• हवे असल्यास शेव लावावेत. . 

        अशा प्रकारे आपली गरमागरम दाबेली तयार झालेली आहे, दाबेली गरम गरम खावी.