साबुदाणा खिचडी

 

साहित्य :-

• १५० ग्रॅम (अर्धी वाटी) साबुदाणा 
• ८५ ग्रॅम ( १ मध्यम ) बटाटा १ सेमी छोटे तुकडे कापून 
• ३५ ग्रॅॅम (पाव वाटी) शेंगदाण्याचे कुट 
• १ मोठा चमचा तेल किंवा तूप 
• २ हिरव्या मिरच्या चिरून 
• १ छोटा चमचा जिरे 
• अर्ध्या लिंबाचा रस 
• १ छोटा चमचा साखर 
• पाऊण चमचा मीठ 

 सजावटीसाठी :-

• १ मोठा चमचा ओल्या खोबऱ्याचा कीस 
• थोडीशी बारीक चिरलेली कोथिंबीर  

कृती :-

•  एका पातेल्यात साबुदाणे घेऊन त्यात साबुदाणे बुडेपर्यंत पाणी घालून ठेवावे.
• २० ते २५ मिनिटानंतर सामौर्ण पाणी काढून, कमीतकमी ६ तासांसाठी ठेवावे. 
• भिजलेल्या साबुदाण्यात दाण्याचे कुट, मीठ, साखर आणि लिंबू रस घालावा. 
• हे सगळे मिश्रण चांगले एकत्र करून बाजूला ठेवावे. 
• कढईत रेल किंवा तूप टाकून, ती मध्यम आचेवर गरम होण्यास ठेवावी. 
• तेल गरम झाल्यावर त्यात जिरे टाकावे. 
• जिरे तडतडल्यावर, हिरव्या मिरच्यांचे तुकडे आणि बटाट्याची फोडी टाकाव्या. 
• थोडेसे मीठ टाकून, व्यवस्थित ढवळून, २-३ मिनिटासाठी झाकण ठेवावे.
• मंद आचेवर बटाटे शिजेपर्यंत झाकून शिजवावे.
• आता साबुदाण्याचे मिश्रण घालून, हलक्या हातांनी परतून, खिचडी एकत्र करावी. 
• परत २-३ मिनिटांसाठी झाकण ठेवून, मंद आचेवर खिचडी शिजू द्यावी. 
• झाकण उघडून, परत थोडी ढवळून अजून २-३ मिनिटांसाठी झाकून ठेवावी. 
• साबुदाणे फुलले आणि थोडे पारदर्शक झाले की खिचडी तयार झाली. 
• गरम गरम साबुदाणा खिचडी खाताना वरून खोबरे, कोथिंबीर पेरून द्यावी.