कच्च्या केळीचे चविष्ट वडे

 

            

https://www.highrevenuegate.com/ntxtdy5gde?key=ad5c0f50d87e91b9c41a9142398d32ad               

केळी हे असे फळ आहे, जे आरोग्यासाठी खूप फायदेशीर मानले जाते. सामन्यतः लोकांना केळी हे फळ म्हणून खायला आवडते. कच्च्या केळीचे सामोसे, वडे देखील बनवतात. कच्च्या केळीचे वडे बनवायची रेसिपी जाणून घेऊया. 

साहित्य :- 

सारणासाठी -

• ४ कच्ची केळी 
• १ हिरवी मिरची (बारीक चिरलेली) 
• १ टीस्पून गरम मसाला पावडर 
• ३ टीस्पून साखर
• २ चमचे लिंबाचा रस 
• १ टीस्पून कोथिंबीर (बारीक चिरलेली)
• चवीनुसार मीठ  

फोडणीसाठी साहित्य :-

• १/२ टीस्पून मोहरी 
• १/२ टीस्पून उडीद डाळ 
• १/२ टीस्पून जिरे 
• १ टीस्पून तेल 
• ४-६ कढीपत्ता 

पिठासाठी साहित्य :-

• १ टीस्पून बेसन 
• १ टीस्पून लाल तिखट 
• १/४ टीस्पून हळद पावडर 
• चवीनुसार मीठ 
• तळण्यासाठी तेल 

कृती :-

1. सर्वप्रथम सारण तयार करा. यासाठी केळीला प्रेशर कुकरमध्ये सुमारे ३ शिट्या देवून शिजवून घ्या आणि थंड होऊ द्या. 
2. आता साल काढा आणि एका भांड्यात उकडलेले केळे मॅश करा. त्यात हिरवी मिरची, साखर, मीठ, लिंबाचा रस, कोथिंबीर आणि गरम मसाला पावडर घाला. सर्व साहित्य खूप चांगले मिसळा.
3. आता फोडणीची तयारी करा. कढईत तेल गरम करून त्यात उडीद डाळ, मोहरी घाला. मोहरी तडतडायला लागली की त्यात जिरे आणि कढीपत्ता घाला. तयार फोडणी सारणामध्ये घाला आणि चांगले मिसळा.
4. आता पिठात लागणारे सर्व साहित्य मिक्स करून पाणी घालून बॅटर बनवा. सारणाच्या मिश्रणाचे साधारण १२ समान गोळे करून बाजूला ठेवा. 
5. तळण्यासाठी पॅॅनमध्ये तेल गरम करा. तेल पुरेसे गरम झाल्यावर, गोळेे पिठात बुडवा आणि काळजीपूर्वक तळण्यासाठी तेलात सोडा. वडे सर्व बाजूंनी सोनेरी तपकिरी होईपर्यंत तळा. 
6. गरमागरम केळीचे वडे हिरवी चटणी, खजूर आणि चिंचेची चटणी किंवा टोमॅॅटो केचपसोबत सर्व्ह करा. 

                 अशाप्रकारे तुम्ही देखील कच्च्या केळीचे चविष्ट वडे घरी बनवू शकता.