झटपट रवा डोसा

साहित्य :

• १ वाटी रवा 
• २ वाटी ताक 
• १/२ तांदळाचे पीठ
• १ चमचा बारीक चिरलेली हिरवी मिरची 
• १/२ चमचा सोडा
• १/२ छोटी वाटी बारीक चिरलेली कोथिंबीर
• मीठ (चवीनुसार)
• पाणी (आवश्यकतेनुसार)
   

रवा डोसा बनवण्यासाठी केली जाणारी कृती : 

• सर्वप्रथम एक मिक्सिंग बाऊल घ्या त्यामध्ये रवा आणि तक घाला आणि ते चांगले एकत्र करून त्यावर झाकण घालून ते १० ते १५ मिनिटे भिजत घाला. 
• १० ते १५ मिनिटांनी ते भिजले की त्यामध्ये तांदळाचे पीठ घाला आणि त्यामध्ये आवश्यक तेवढे पाणी घालून ते चांगले एकत्र करून घ्या. 
• आता या बॅॅटरमध्ये बारीक चिरलेली हिरवी मिरची, मीठ, बारीक चिरलेली कोथिंबीर आणि सोडा घालून ते बॅॅटर चांगले फुगेल आणि त्यामुळे आपला डोसा मऊ बनण्यासाठी मदत होईल. 
• आता गॅॅसवर डोसा तवा ठेवून तो मध्यम आचेवर गरम करून घ्या आणि मग त्या तव्याला तेल लावून त्यावर वाटीने डोस्याचे बॅॅटर पसरवा आणि मध्यम आकाराचा गोल डोसा बनवा 
• आणि त्याच्याबाजूने तेल सोडून तो डोसा चांगला लालसर होईपर्यंत भाजून घ्या आणि भाजल्यानंतर तो तव्यातून काढा आणि दुसरा डोसा बनवा. (डोसा दोन्ही बाजूने चांगला भाजून घ्या.)
• अशा प्रकारे सर्व बॅॅटरचे अशे डोसे बनवून घ्या. 

         अशा प्रकारे गरमागरम डोसा तयार होईल. खोबऱ्याची चटणी, सांबर किंवा बटाट्याच्या भाजी सोबत सर्व्ह करू शकता.