खमंग कुरकुरीत शेव

 

आपण आज खमंग कुरकुरीत शेव कसे बनवायचे ते पाहणार आहोत. 

साहित्य :- 

• चार वाट्या बेसन ( चाळून घेतलेलं गुठळ्या नकोत ) 
• तांदुळाचे पीठ अर्धी वाटी 
• दोन टीस्पून ओवा वाटून, तो अर्धी वाटी पाण्यात मिक्स करून ते पाणी गाळून घेणे, ह्या बरोबर तुम्ही थोडी लसूण ही वाटू शकता. 
• हिंग अर्धा चमचा
• मीठ चवीनुसार 
• पाव चहाचा चमचा हळद आणि तेल.
   

कृती :- 

• परातीत बेसन, तांदुळाचे पीठ, मीठ, हिंग, हळद हे सगळे एकत्र करून घ्यावे. त्यात चार चहाचे चमचे कडकडीत तेलाचे मोहन घालावे. 
• ते मोहन सगळ्या पिठाला चांगले चोळून घ्यावे.
• ओवा गाळून घेतलेलं पाणी त्यात घालावे. नंतर गरजेप्रमाणे पाणी घालून मीठ भिजवावे.
• पीठ घट्ट नको, थोडं सैलसरच असावे.
   
• हे पीठ दहा मिनिटे ठेवून द्यावे. 
• चकलीच्या साच्यात शेवेची बारीक जाळी घालून पीठ त्यात भरावे आणि गरम तेलात शेव पाडून शेव तळून घ्यावी. 
• तयार आहे कुरकुरीत खमंग शेव. तुम्ही घरी ट्राय करून बघा.