कोबीच्या वड्या

 

आज आपण पाहणार आहोत कोबीच्या वड्याचे साहित्य आणि कृती. 

साहित्य :- 

• कोबी 
• हिरवी मिरची / लाल तिखट 
• मीठ 
• जिरे
• हळद 
• लसूण 
• लिंबूरस 
• आले 
• बेसन पीठ.
   

कृती :- 

• साधारण मध्यम आकाराच्या भरीव कोबी घ्यायचा. 
• तो किसने शक्य नसेल तर मग बारीक चिरायचा. 
• मग त्यात मिक्सरमध्ये वाटलेले वाटण (हिरवी मिरची, जिरे, लसूण, अद्रक, मीठ, हळद) घालायचे. 
• थोडासा लिंबूरस घालायचा. त्यात मावेल तेवढे बेसन घालून पीठ भिजवायचे.
   
• ह्यात वरून पाणी घालायची गरज नसते. पण जर कोबी चिरून घेतला तर जरासे पाणी घालावे लागेल. 
• मग ह्या पीठाचे कोथिंबीरीच्या वडीला करतो तसे मुटकुळे करून ते कुकरमध्ये उकडून घ्यायचे. 
• उकडल्यानंतर त्याच्या वड्या कापून तव्यावर तेल घालून खरपूस परतायच्या.