अळूच्या गाठींची भाजी

 

साहित्य : 

• ६-७ अळूची पाने 
• १ मध्यम आकाराचा कांदा 
• १ टेबलस्पून ओल्या खोबऱ्याचा कीस 
• ३-४ लसूण पाकळ्या 
• २-३ कोकम 
• १/२ टेबलस्पून गूळ 
• १/२ टेबलस्पून गरम मसाला 
• १/२ टेबलस्पून लाल तिखट 
• १/४ टेबलस्पून हळद 
• १/२ टेबलस्पून मीठ 
• १ टेबलस्पून तेल
   

कृती : 

• आदल्या दिवशी रात्री अळूची पाने स्वच्छ धुऊन घ्यावीत . 
• दुसऱ्या दिवशी पाने मधून कापून त्याच्या गुंडाळी कारून गाठी करून घ्याव्यात. 
• गॅॅसवर दोन कप पाणी गरम करून त्यात कोकम, थोडं मीठ घालून अळूच्या गाठी एक ते दोन मिनिटे ठेऊन अळूच्या गाठी काढून घ्याव्यात. 
• कांदा बारीक चिरून घ्यावा. लसूण सोलून घ्यावी. गॅॅसवर एका पॅॅनमध्ये तेल घेऊन त्यात फोडणी करून कांदा घालावा. 
• कांदा परतून त्यात मसाले, मीठ घालून अळूच्या गाठी घालाव्यात. 
• कोकम व गूळ घालून सर्व मिक्स करून त्यात वरून खोबर घालून एकत्र करून दोन ते तीन मिनिटे झाकण ठेऊन एक वाफ काढून घ्यावी. 
• अशा प्रकारे अळूच्या गाठींची चवदार भाजी तयार होईल. भाकरी सोबत सर्व्ह करू शकता.