पौष्टिक मूग डाळ इडली

 

साहित्य :

• २ वाट्या मूग डाळ 
• २ चमचे तेल 
• १/२ वाटी गाजर बारीक चिरून 
• २ चमचे दही 
• १/४ वाटी कोथिंबीर बारीक चिरून 
• फोडणीसाठी मोहरी, जीरे, हिंग, कडीपत्ता, हिरवी मिरची, आले, हरभरा डाळ, काजूचे तुकडे 
• चवीनुसार मीठ
   

कृती : 

• प्रथम २ वाट्या मूगाची डाळ, स्वच्छ पाण्याने २-३ वेळा धुऊन, पाणी घालून २ तास पाण्यात भिजवून ठेवली. 
• २ तासानंतर मूग डाळ मिक्सर मध्ये बारीक वाटून घेतली. 
• मग त्या डाळीमध्ये मिश्रणात २ चमचे दही, चवीनुसार मीठ घालून मिश्रण एकजीव करून घेतले. 
• नंतर एका कढईत तेल घालून ते गरम झाल्यावर त्यात मोहरी, जीरे, हिंग यांची फोडणी करून घेतली. 
• मग त्याच फोडणी मध्ये कडीपत्ता , आले, काजूचे तुकडे, मिरचीचे तुकडे किसलेले गाजर घातले. 
• ही फोडणी मुगाच्या पिठात मिक्स करून घेतले. गम त्यात बारीक चिरलेली कोथिंबीर आणि थोडे पाणी घालून मिश्रण एकजीव करून घेतले. 
• १० मिनिटांनी हे मिश्रण चांगले एकजीव झाल्यावर, इडली पात्राला तेल लावून त्यात इडल्या वाफवून घेतल्या. 
• अशा प्रकारे पौष्टिक मूगडाळ इडली तयार होईल.