मैदा बर्फी

 

साहित्य : 

• १ वाटी मैदा 
• १/२ वाटी पिठीसाखर
• खाण्याचा हिरवा रंग 
• १/२ चमचा वेलची पावडर 
• १/२ वाटी तूप 
• १ चमचा थोडे ड्राय फ्रुट्स
   

कृती : 

• प्रथम एका पॅॅन मध्ये अर्धा वाटी तूप घालून मैदा चार ते पाच मिनिटांपर्यंत मंद आचेवर परतून घ्या. आता तूप बऱ्याच प्रमाणात वर आलेले दिसेल . 
• भाजलेला मैदा थोडा कोमट झाला की, त्यात वेलची पूड आणि पिठीसाखर घालून छान मिक्स करा. पैकी अर्ध्या मैद्याच्या मिश्रणात एक चमचा दुधात भिजवलेला खाण्याचा हिरवा रंग घाला व परत ते मिश्रण एका मिनिटांपर्यंत शिजवून घ्या. 
• आता एका टीन वर बटर पेपर ठेवा . बटर पेपर नसल्यास एका चौकोनी भांड्याला तूप लावून घ्या.
• आता त्यावर थोडे ड्रायफ्रुट्स पसरुन घ्या व आधी मैद्याच्या मिश्रणाची एक लेअर व परत हिरव्या रंगाची लेअर घाला. 
• परत वरती थोडे ड्रायफ्रुट्स घालून बर्फी अर्धा तास रूम टेंपरेचर वर सेट होऊद्या. 
• अर्ध्या तासनंतर सुरीच्या साह्याने मनासारख्या आकाराच्या बर्फी कट करा. 
• अशा प्रकारे अतिशय कमी साहित्यात चवदार मैदा बर्फी तयार होईल.