मूगाचे कुरकुरीत सांडगे

साहित्य : 

• अर्धा किलो मूगाची डाळ 
• अर्धी वाटी उडीद डाळ 
• वाटीभर सोललेला लसूण 
• पाव किलो हिरव्या मिरच्या वा एक वाटी तिखट 
• एक छोटी जुडी कोथिंबीर
• मीठ 
• हिंग जिरे 
• मिरीदाणे, हळद
   
  

कृती : 

• मूगाची डाळ कोरडीच भरड वाटून घ्यावी. त्याबरोबर जिरे आणि मिरीदाणे वाटावेत. (या सर्व मिश्रणाचे प्रमाण असे नाही भिजवलेले पीठ झणझणीत लागले पाहिजे)
• उडदाची डाळ रात्रभर भिजत घालून सकाळी वाटावी. वाटताना त्यात लसूण व मिरच्या घालाव्यात. कोथिंबीर मात्र बारीक चिरून घालावी, वाटू नये. 
• त्यात बाकीचे जिन्नस व मूगडाळीचे मिश्रण घालावे. नीट मिसळून घ्यावे. अर्धा तास तसेच झाकून ठेवावे. 
• परत मिश्रण नीट मिसळून घ्यावे. यावेळी ते हाताला कोरडे लागू नये, लागल्यास थोडा पाण्याचा हबका मारावा.
• मग प्लॅॅस्टिकच्या कागदावर वा ताटात, सांडगे घालावेत.हाताने घालण्यापेक्षा जर जाडसर प्लॅॅस्टिकच्या पिशवीला छोटेसे भोक पडून (जिलेबीसाठी करतो तसे ) घातले तर हात खरब होत नाहीत, व सुबक सांडगे घालता येतात. 
• हे सांडगे दोन दिवस कडक उन्हात वाळवावेत. 
• मग सोडवून उलटवून परत वाळवावेत. पूर्ण वाळल्याशिवाय डब्यात भरू नयेत 

           अशा प्रकारे मुगाच्या डाळीचे कुरकुरीत हलके-फुलके रुचकर सांडगे तयार होतील.